Mysyr Úkimeti tolyq quramda otstavkaǵa ketti
ASTANA. QazAqparat - Mysyr Úkimeti tolyq quramda otstavkaǵa ketti. Mundaı sheshim Ibragım Mahlıab basqarǵan mınıstrler kabınetiniń 3,5 aılyq jumysynyń qorytyndy otyrysynan keıin qabyldandy, dep habarlaıdy 24.kz.
Sondaı-aq ornynan ketip jatqan Premer-Mınıstr Ibragım Mahlıabqa jańa Úkimetti jasaqtaý tapsyryldy. Esterińizge sala keteıik, jańadan saılanǵan Prezıdent Ábdel Fattah As-Sısı 8 maýsymda óz mindetine kiristi. El konstıtýtsııasy boıynsha, osy rásimnen keıin atqarýshy bılik otstavkaǵa ketý týraly ótinish jazýy tıis bolatyn. As-Sısıdiń ózi Mahlıab basqarǵan Úkimet quramynda birneshe apta Qorǵanys mınıstri bolyp jumys istedi. Sarapshylardyń paıymynsha, ózin jaqsy qyrynan kórsetip úlgergen Mahlıab Úkimet basshysy retinde óz ornyna qaıta otyrýy múmkin.
