Mysyr úkimeti Lıvııadaǵy dıplomattaryn qaýipsiz jerge kóshirdi
ASTANA. 26 qańtar. QazAqparat - Mysyr úkimeti Lıvııa astanasy Trıpolı qalasyndaǵy elshiliginen jáne Bengazı qalasyndaǵy konsýldyǵynan dıplomattaryn kóshirip aldy.
Qazirgi kezde mysyrlyq bes dıplomat lıvııalyq kóterilisshilerdiń tutqynynda qalyp otyr, onyń ishinde mádenı máseleler jónindegi dıplomatııalyq qyzmetker de bar. Ol el úkimetimen baılanysqa shyǵyp, ózinin aman ekenin jáne lıvııalyqtardyń jaqsy qarap otyrǵanyn aıtqan. Osy oraıda urlanǵan tulǵalardy bosatý máselesi sheshilip jatyr.
Lıvııadaǵy birqatar resmı tulǵalardyń urlanýy boıynsha jaýapkershilik memlekettik áskerı jasaqqa artylyp otyr. Bul sarbazdar bıliktiń qaraýynda bolǵanymen, shyn mánisinde úkimettegiler olardyń is-áreketterin baqylamaıdy, dep habarlaıdy RBK.
