Mysyr soty «Musylman baýyrlar» uıymynyń qyzmetin toqtatty
ÁBÝ-DABI. 24 qyrkúıek. QazAqparat - Aptanyń basynda Mysyr soty «Musylman baýyrlar» dinı-saıası qaýymdastyǵynyń qyzmetin toqtatý, kommertsııalyq emes qoǵamdyq uıym mártebesinen aıyrý jáne barlyq qarjylyq aktıvterin tárkileý týraly qaýly shyǵardy.
«Sot «Musylman baýyrlar» uıymynyń qyzmet etýine tyıym salady. Sonymen qatar, sot úkimetti atalǵan uıymnyń qarjysyn tárkilep, bank shottaryn ýaqytsha toqtatýǵa mándetteıdi», - dedi sot tóraǵasy Mohammed al-Saıed.
«Musylman baýyrlar» 2011 jyly Hosnı Múbárak taqtan qulaǵannan keıin parlamenttik jáne prezıdenttik saılaýda jeńiske jetti. Sodan keıin, atalǵan uıymnyń 85 jyl zańsyz qyzmetinen keıin 2011 jyldyń naýryz aıynda ol resmı túrde úkimettik emes uıym retinde tirkeldi.
Eske sala keteıik, bıylǵy jyldyń 3 shildesinde Mysyr prezıdenti Muhammed Múrsı Kaır men ózge de qaladaǵy halyqtyń jappaı kóterilýine baılanysty qyzmetinen bosatylǵan edi.
