Mysyr soty Mýrsıdiń 149 jaqtasyn ólim jazasyna kesken úkimniń kúshin joıdy
ASTANA. QazAqparat - Mysyrdyń apellıatsııalyq soty eldiń burynǵy prezıdenti Muhammed Mýrsıdiń 2013 jyldyń jazynda polıtseılerdi óltirýde aıyptalǵan 149 jaqtasyna ólim jazasyn berý sheshimin joıdy.
Sot sheshimine sáıkes, bul is boıynsha protsess qaıta bastalýy tıis, dep habarlaıdy Bı-bı-sı.
Mysyrda tyıym salynǵan «Aǵaıyndy musylmandar» qozǵalysynyń qatysýshylary 2013 jyldyń tamyz aıynda Kaırdiń mańyndaǵy polıtsııa ýchaskesine shabýyl jasaýda aıyptalyp otyr. Oqıǵa saldarynan 13 adam mert bolǵan.
2014 jyldyń maýsymynda Mysyrdaǵy sot «Aǵaıyndy musylmandar» qozǵalysynyń 183 múshesin 2013 jylǵy tártipsizdik isi boıynsha ólim jazasyna kesti, alaıda keıinnen úkimderdiń birshama bóligi kúshin joıdy.
