Mysyr soty Islam memleketiniń 12 sodyryna ólim jazasyn kesti
ASTANA. QazAqparat - Mysyrdaǵy Esh-Sharkııa provıntsııasynyń soty senbi kúni lańkestik áreket jasaǵan Islam memleketi uıymynyń 12 sodyryn ólim jazasyna kesý týraly úkimdi bekitti, dep habarlaıdy RIA Novostı.
Sot lańkestik toptyń 14 múshesine qatysty isti qarady. Olar ekstremıstik áreketterdi nasıhattap, jastardy IM lagerlerinen ótý úshin Sırııaǵa jibergen. 12 ólim jazasynan basqa, taǵy eki lańkes 3 jyldan bas bostandyǵynan aıyryldy.
Aıta keteıik, 2013 jyly ıslamshyl prezıdent Muhammed Múrsı bılikten ketken soń Mysyrda júzdegen dinı ekstremıster ólim jazasyna kesilgen.
Islam memleketi - birqatar elde qyzmetine tyıym salynǵan terrorıstik uıym. Úsh jyl ishinde lańkester Irak pen Sırııanyń birqatar jerlerin basyp alǵan. Uıymnyń lańkestik áreketteriniń saldarynan júz myńdaǵan beıbit turǵyn kóz jumyp, birneshe mıllıon adam bosqyn boldy.
