Mysyr: Sınaıdaǵy meshit sodyrlardyń shabýylynan keıin qaıta ashyldy
ASTANA. QazAqparat - Ótken aptanyń sońynda terrorıster shabýyl jasaǵan Sınaıdiń soltústigindegi Er-Raýda meshiti qaıta ashyldy. Bul týraly Al Masry Al Youm gazeti jazǵan, dep habarlaıdy TASS.
Soltústik Sınaı provıntsııasynyń Mysyr vakýfteri (dinı múlik) mınıstrligi basqarmasynyń basshysy Sınaı Mýhmmed ál-Aashtyń aıtýynsha, Bır-el-Abd eldi mekenindegi meshit sársenbi kúni ashylǵan.
Ál-Aash Er-Raýda meshiti jóndeý jumystary aıaqtalyp, namaz oqıtyndar úshin jańa kilem tóselgennen keıin óz jumysyn bastaǵan.
Vakýfter mınıstrliginiń ókili atap ótkendeı, vedomstvonyń uıymdastyrǵan arnaıy tehnıkalyq komıssııasy materıaldyq zalal shyǵynyn jáne qaıta jóndeýge jumsalatyn qarjyny eseptep shyǵarǵan. Ol 90 myń Egıpet fýntyn ($5 myń) quraǵan.
Sınaıdyń Bır-el-Abd aýylynyń barlyq turǵyny aldaǵy juma kúni namaz oqý úshin meshitke baratyndaryn málimdegen.
Eske salaıyq, ótken jumada Mysyrdyń Sınaı túbeginiń soltústiginde sodyrlardyń meshitke shabýylynan 155 adam qurban bolyp, 120 adam zardap shekken edi. Shabýyl Soltústik Sınaı provıntsııasynyń astanasy El-Arıshadan batysqa qaraı 30 km qashyqtyqta Er-Raýda eldi mekeninde juma namazy kezinde bolǵan. Terrorıster meshitti jol talǵamaıtyn 4 kólikpen qorshap alyp, jarylǵysh zatty minajat etip jatqan adamdardyń ortasyna tastap, jaryp jiberip, artynan olarǵa qaraı oq jaýdyrǵan.
