Mysyr Prezıdentiniń ulyqtaý rásimine oraı Kaırde kúsheıtilgen qaýipsizdik sharalary engizildi
ASTANA. QazAqparat - Búgin Kaırde Mysyr Prezıdenti Abdel Fattah as-Sısıdi ulyqtaý rásimi ótedi.
Sheteldik BAQ-tyń jazýynsha, ol Joǵarǵy konstıtýtsııalyq sotta 12 ókiletti sot keńesshileriniń jáne barsha álemnen kelgen qonaqtardyń aldynda óz eline adal qyzmet etýge ant beretin bolady. Osy eldiń memlekettik telearnasy ulyqtaý rásimin tikeleı efır arqyly kórsetedi. Osydan keıin prezıdenttik kortej qalanyń basqa bóligine qaraı baǵyt alady, ıaǵnı Gelıopolıstegi prezıdenttik «Ál-Ittıhadııa» prezıdenttik saraıynda resmı túrde memleket basshysy atanǵan Abdel Fattah as-Sısı korolderdi, ámirlerdi, prezıdentterdi, sondaı-aq úkimet basshylaryn jáne joǵary laýazymdy tulǵalardy qabyldaıdy. VVS-diń jazýynsha, osyǵan oraı Kaırde kúsheıtilgen qaýipsizdik sharalary engizilip otyr. Esterińizge sala keteıik, ótken aıda Abdel Fattah as-Sısı 96,9 paıyz daýys jınap, saılaýda jeńiske jetken bolatyn.
