Mysyr prezıdentiniń ýaqytsha qyzmetin atqarýshy A.Mansur sheteldik saparyn Saýd Arabııasynan bastady
ÁBÝ-DABI. 8 qazan. QazAqparat - Mysyrdyń ýaqytsha prezıdenti Adlı Mansur joǵary memlekettik laýazymyndaǵy alǵashqy sheteldik saparymen Er-Rııadqa bardy.
Baqylaýshylardyń pikirinshe, bul Mysyrǵa saıası jáne ekonomıkalyq qoldaý kórsetken Koroldikke degen jańa bıliktiń alǵysyn bildiredi.
Saýd Arabııasynyń koroli Abdolla - A.Mansurdyń ýaqytsha bıligin alǵashqy bolyp moıyndap, 2013 jyldyń shildesinde Kaırǵa bes mıllıard qaryz beretinin jarııalaǵan arab kóshbasshylarynyń biri. Búkil eldi dúrliktirgen mıllıondaǵan qarsylyq sharalarynan keıin «Musylman baýyrlar» uıymyn Mysyr áskeri ysyryp tastady.
Adlı Mansur «Ashark Ál Aýsat» Saýd Arabııasynyń gazetine bergen suhbatynda «bul elge jasaǵan saparyn mańyzdy qajettilik», - dep atap ótti. - Men Saýd Arabııasynyń koroli Abdollaǵa bizge qoldaý kórsetkeni úshin alǵysymdy jeke ózim jetkizgim keldi», - dedi Mysyr eliniń ókili.
Mysyrda qalyptasqan kúrdeli ekonomıkalyq jaǵdaıǵa baılanysty A.Mansur bıligi aldaǵy ýaqytta da Saýd Arabııasynyń qarjylaı qoldaýyna júginedi. Egıpettegi saıası oqıǵalar 2011 jyldyń basynda bastaldy, sonyń saldarynan elde týrızm men sheteldik ınvestıtsııa tartý máselesi turalap qalǵan.
Eki jaq sonymen qatar, Taıaý Shyǵystyń ózekti máselelerin, onyń ishinde Sırııadaǵy qaqtyǵys, palestındik-ızraıldik kelissózder jáne ózge de suraqtardy talqylaıdy dep josparlanýda. Er-Rııadtan keıin Mysyrdyń ýaqytsha prezıdenti Iordanııaǵa jumys saparymen barady dep kútilýde.
