Mysyr Prezıdentiniń keńesshileri onyń jarlyǵyna qarsylyq retinde otstavkaǵa ketýde
ASTANA. 25 qarasha. QazAqparat - Mysyr Prezıdenti Muhammed Mýrsıdiń keńesshileri ol jarııa etken Konstıtýtsııalyq deklaratsııaǵa qarsylyq retinde birinen keıin biri otstavkaǵa ketýde, dep habarlady Rosbalt.
Internet BAQ-tarda jarııa etilgen aqparattarǵa qaraǵanda, ózderiniń laýazymdy qyzmetterinen pýblısshi Sakın Fýad pen Mýrsıdiń hrıstıan qyzmetin demokratııalyq túrlendirý jónindegi kómekshisi Samır Markýs bas tartqan.
«Men bul laýazymdy qyzmetti elime paıdaly bolý úshin qabyldadym. Biraq Prezıdent óz kómekshileriniń keńesin qajetsinbeıtindigi anyq bilingennen keıin men onda meniń bolýymnyń esh máni joq ekendigin túsindim», - dedi S.Fýad.
M.Mýrsıdiń keńesshileri onyń sońǵy jarlyǵyna qatysty ózderiniń biryńǵaı ustanymdaryn bildirmek.
Aıta keteıik, mysyrlyqtardyń narazylyǵyna Mýrsıdiń jańa Parlament taǵaıyndalǵanǵa deıin ózi qabyldaǵan sheshimderdiń daý týdyrmaýy kerektigi kórsetilgen jarlyǵy sebep boldy. Mine osy qujat qabyldanǵannan keıin eldiń kóptegen qalalarynda narazylyq aktsııalary da ótken edi. Tipti onyń keıbiri sherýshiler men quqyq qorǵaý organdarynyń arasyndaǵy qaqtyǵysqa ulasyp, 18 adam taza tapty.
