Mysyr prezıdentine qyzmetinen ketýge 2 kún berildi
ASTANA. 1 shilde. QazAqparat - «Tamarrýd» oppozıtsııalyq qozǵalysy Mysyr prezıdenti Mohammed Mýrsıǵa ýltımatým qoıdy: memleket basshysyna taqtan ketýge eki kún berildi.
Osyndaı talaby bar petıtsııaǵa 22 mln. mysyrlyq qol qoıdy, dep habarlaıdy RBK.
Eger saıasatker seısenbi kúni taǵyn bosatpasa oppozıtsıonerler mysyr halqyn alańdarǵa jınalyp, azamattyq baǵynbaý sharalaryn uıymdastyrýǵa shaqyrýǵa daıyn. Bul týraly Bı-Bı-Sı jazyp otyr.
Belsendiler «Aǵaıyndy musylmandar» basqarýshy partııasynyń shtab-páterine shabýyl jasap, ǵımaratqa tastar men tutanǵysh qospasy bar qutylardy laqtyrdy.
Narazylyq aktsııalarynyń shyrqaý shegi M.Mýrsı ınaýgýratsııasynyń bir jyldyǵyna tuspa-tus keldi. «Ulttyq qutqarý maıdany» oppozıtsııasy atalmysh kúnge oraı «№1 revolıýtsııalyq málimdemesin» jarııalady. Memleket basshysy aýyr ekonomıkalyq jaǵdaı, qalalardaǵy jaǵdaıdyń nasharlaı túskeni: bılik qatardaǵy azamattardyń qaýipsizdigin qamtamasyz ete almaı otyrǵany úshin aıyptalýda.
