Mysyr Prezıdentin otstavkaǵa jiberý úshin qarsylastary 22 mln. adamnan qol jınady
ASTANA. 1 shilde. QazAqparat - Mysyr Prezıdenti Muhammed Mýrsıdi otstavkaǵa jiberý jónindegi petıtsııaǵa 22 mln. adam qol qoıdy. Bul týraly M.Mýrsıdi otstavkaǵa jiberýdi kózdep otyrǵan «Tamarrýd» qozǵalysynyń ókilderi málimdedi, dep habarlaıdy RBK.
Prezıdentke qarsy qozǵalystyń jetekshisi baspasóz máslıhatynda 22 mln. 134 myń adam qol qoıǵany jóninde habarlady. Bul kórsetkish M.Mýrsıdiń bir jyl burynǵy prezıdent saılaýynda jınaǵan daýsynan áldeqaıda asyp túsedi. Endi belsendiler toby petıtsııany memlekettik joǵary sot ınstantsııalaryna joldamaqshy. Prezıdentti jaqtaýshylar da M.Mýrsıge qoldaý kórsetip, qol jınaýda. Olardyń málimetterine sáıkes, memleket basshysyn qoldap, 10 mln. adam qol qoıǵan.
Buryn habarlanǵandaı, M.Mýrsıdiń prezıdenttik laýazymǵa kelýiniń bir jyldyǵyna oraı eldiń ár aımaǵynda Prezıdenttiń jaqtastary men qarsylastary arasyndaǵy qaqtyǵystarda bir adam qaza taýyp, 150-ge jýyǵy jaralanǵan.
