Mysyr Prezıdenti jańa faraon bolǵysy keledi
ASTANA. 25 qarasha. QazAqparat - Oppozıtsııa Kaırde bılikti ozbyrlyqpen basyp alýǵa qarsy myńdaǵan narazylyq aktsııalaryn ótkizýde.
Mysyrda jappaı narazylyqtar qaıta bastaldy. Oǵan Prezıdent Muhammed Mýrsıdiń 22 qarasha kúni jarııalaǵan eldiń jańa Konstıtýtsııalyq deklaratsııasy sebep boldy, dep habarlady Іzvestia.ru.
«Mýrsı eldegi bılikti ıemdenip aldy jáne ózin jańa faraon sanaıdy», - dep málim etti lıberaldy saıasatker, Nobel syılyǵynyń laýreaty Muhammed ál-Baradeı.
Beısenbi kúni jarııalanǵan Konstıtýtsııalyq deklaratsııa turaqty konstıtýtsııa qabyldanǵanǵa deıin qoldanysta bolady, ol qazirgi ýaqytta konstıtýtsııalyq komıtette ázirlený ústinde. Bastapqyda konstıtýtsııa aǵymdaǵy jyldyń jeltoqsanynda referendýmǵa shyǵarylýy tıis boldy. Biraq Mýrsıdiń jańa deklaratsııasy ony ázirleýge taǵy 2 aı ýaqyt berdi.
«Mysyrlyq prezıdenttiń jańa deklaratsııasy - dıktatýraǵa qadam», - deıdi Taıaý Shyǵys ınstıtýtynyń sarapshysy Sergeı Seregıchev.
«Prezıdent ózin sottan joǵary qoıady. Jańa deklaratsııaǵa sáıkes, onyń sheshimi eshqandaı sotpen teriske shyǵaryla almaıdy!», - dep alańdaýshylyq bildirdi saıasatker, áleýmettik-demokratııalyq partııanyń múshesi Emad Had.
Aıta keteıik, «Musylman-Baýyrlar» memleket basshysyn qoldaýǵa nıetti.
Tahrır alańynda juma namazynan keıin lıberaldar men demokrattardyń 30-ǵa jýyq toby shıelenisti. Kaırde polıtsııa men sherýshilerdiń arasynda qaqtyǵystar aptanyń basynan jalǵasýda. Sherýshiler «Arab kóktemi» kezinde qaza bolǵan 800 adamnyń ólimine jaýapty qaýipsizdik qyzmetiniń qyzmetkerleri jazalanýyn suraıdy.
