Mysyr prezıdenti tórt jyl buryn engizilgen tótenshe jaǵdaı rejımin uzartty
KAIR. QazAqparat – Mysyr prezıdenti Abdel Fattah as-Sısı elde tórt jyl buryn engizilgen tótenshe jaǵdaı rejımin úsh aıǵa uzartty. Bul týraly QazAqparat Al-Ahram gazetine silteme jasap habarlaıdy.
Úkimet tarapynan maquldanǵan jarlyq búkil respýblıka boıynsha óz kúshine 25 sáýir kúni jergilikti ýaqyt boıynsh saǵat 01:00-den bastap kúshine engen. Atap ótilgendeı, bul sheshim «eldegi qaýipsizdik pen densaýlyq saqtaý jaǵdaıyna baılanysty» qabyldandy. Prezıdent dırektıvasyna sáıkes, qarýly kúshter men ІІM-ne «lańkestik qaýpine qarsy turý, onyń qarjylandyrylýyna jol bermeý úshin tıisti sharalar qoldanyp, respýblıkanyń búkil aýmaǵynda qaýipsizdikti qamtamasyz etý, memlekettik jáne jekemenshik múlikti, sondaı-aq zamattardyń ómirin qorǵaý» týraly buıryq tústi.
Mysyr elinde tótenshe jaǵdaı 2017 jyldyń 25 cáýirinde Tanta jáne Aleksandrııa qalalaryndaǵy shirkeýlerde bolǵan lańkestik áreketterden keıin engizildi. Oqıǵa saldarynan 45 adam qaza taýyp, 120 adam zardap shekti.
