Mysyr Prezıdenti Hosnı Mýbarak esinen tanýda
ASTANA. 14 aqpan. QazAqparat - Mysyrdaǵy sońǵy oqıǵalar eldiń burynǵy prezıdenti Hosnı Mýbaraktyń densaýlyǵyna aıtarlyqtaı zııan keltirdi.
Qazirgi ýaqytta ol óte aýyr halde esinen tanyp jatyr. Aqparat jeksenbi kúni birden Mysyrdyń jáne arab elderiniń buqaralyq aqparat quraldarynda paıda boldy, dep jazady Vestı. Rý.
"Al-Masrı al-ıAým" gazetiniń jazýynsha, Mýbarak esinen tanyp jatyr. Basylym onyń aınalasyndaǵy óte senimdi derekkózine silteme jasap, oǵan óz úıinde álsin-álsin medıtsınalyq kómek kórsetiletinin, alaıda ony aýrýhanaǵa emdeýge alyp ketý máselesi áli túpkilikti sheshilmegenin habarlaıdy.
Sonymen qatar H. Múbáraktyń halyqqa arnaǵan sońǵy úndeýiniń de keıbir jaǵdaılary naqtylanýda. Onda Mýbarak óziniń otstavkaǵa ketetinin jarııalaıdy dep kútilgen bolatyn. Alaıda ol barlyq ókildikterin óziniń jańa orynbasary Omar Súleımanǵa ótkizip berip, bılikti jańa saılaý ótkenshe ustap qalýǵa tyrysty. Burynǵy prezıdenttiń aınalasyndaǵy senimdi derekkózderdiń aıtýynsha, basylymǵa jarııalanǵan úndeýin jazý kezinde Mýbarak qaıta-qaıta esin joǵaltyp, onyń sózin balasy Gamal birneshe ret kóshirip jazǵan kórinedi.
