Mysyr premer-mınıstriniń kortejine oq jaýdyryldy
ASTANA. 6 mamyr. QazAqparat - Jeksenbi, 5 mamyr kúni Kaırde Mysyr premer-mınıstri Hısham Kandılanyń korteji oq astyna alyndy.
Bul týraly Lenta.ru habarlady.
Mysyr ІІM-niń ókilderi málim etkendeı, Dokkı aýdanynda mysyrlyq úkimet basshylyǵy kortejiniń qataryna bóten kólik yǵysyp kirmek bolǵan. Qaýipsizdik qyzmetiniń qyzmetkerleri mashınany joldyń jıegine shyǵaryp jibermekke árekettengende, ondaǵy adamdardyń biri eki ret oq atqan. «Oqıǵanyń saıası astary» joq, dep atap ótti Mysyr ІІM-nen.
Polıtsııa oq atylǵan kólikti qýyp jetip, ondaǵy 18-29 jas aralyǵyndaǵy bes azamatty tutqyndady. Qaýipsizdik qyzmetindegi aqparat kózine silteme jasap Agence France-Presse-tiń habarlaýynsha, ustalǵandar kortejdegi kólikterdiń birinde premer-mınıstrdiń bolǵanyn bilmegen jáne qarýdy onyń kóligine kezemegen.
Oqıǵa saldarynan kólikterdiń biriniń júrgizýshi oq jaraqatyn aldy. Biraq AFP-diń aqparat kózi onyń kortejdegi kóliktiń ne olardyń janynan ótip bara jatqan ózge mashınanyń júrgizýshi ekendigin anyqtamady.
