Mysyr polıtsııasynyń generalyna qastandyq jasaldy
ASTANA. QazAqparat - Mysyrlyq Dakahlııa provıntsııasynyń Qaýipsizdik basqarmasy jetekshileriniń biri, Egıpet ІІM generaly Daııa Atyıaǵa seısenbi kúni eldiń soltústigindegi Talha qalasynda belgisiz bireýler qastandyq jasady.
Bul týraly provıntsııa polıtsııasynyń ókili málim etti, dep habarlaıdy TASS.
Qolda bar derekterge sáıkes, general Atyııa kúndizgi qyzmetten soń fýrgonǵa minip úıine kele jatqan. Talhı kósheleriniń birinde kólikke belgisiz bireýler avtomatty qarýdan oq jaýdyrdy.
Kórgenderdiń aıtýynsha, júrgizýshiniń sheberliginiń arqasynda polıtsııa generaly ajaldan aman qalǵan. Ol kóz ilespes jyldamdyqpen baǵytyn ózgertip úlgergen.
General da, júrgizýshi de zardap shekken joq. Qylmyskerlerdiń atqan oqtarynyń bári fýrgonnyń shanaǵyna tıgen.
Polıtsııa shabýyl jasaǵandardyń úsh adam ekendigin anyqtady.Mototsıklge mingender general otyrǵan mashınaǵa betpe bet kelip beı-bereket oq jaýdyrǵan. Qylmyskerler oqıǵa ornynan izderin sýytyp úlgergen.
Qazirgi ýaqytta atys bolǵan aýmaq qaýipsizdik kúshimen qorshalyp, tergeý áreketteri júrip jatyr.
