Mysyr pıramıdasyn turǵyzýdyń qupııasy ashyldy
ASTANA. QazAqparat - Amerıkalyq arheolog Mark Lener basshylyq etken zertteýshiler toby Heops pıramıdasynyń qurylysy barysy sýrettelgen ejelgi papırýsty tapty.
Atap aıtqanda, qujatta mysyrlyqtardyń 2,5 tonnalyq áktastar men granıtter blogyn 800 shaqyrym jerden qalaı tasymaldaǵandyqtarynyń qupııasy ashyq kórsetilgen, dep habarlaıdy Daily Mail.
40 jumysshynyń baqylaýshysy bolǵan avtor mysyrlyqtardyń Nıl ózenin buryp Gıza ústirti arqyly qalaı jasandy sý arnasyn jasaǵandyǵyn jazady. Qurylysshylar tasymalǵa arqandarmen baılanǵan aǵash qaıyqtardy paıdalanǵan. Oǵan bloktardy ornalastyryp, sý arnasy arqyly pıramıdanyń tap túbine jetkizgen.
Taǵi bir aıta keter jaıt, papırýstarmen qatar Heops perǵaýynnyń bıliginiń sán-saltanatyn bildiretin qaıyqtyń da qańqasy tabylyp otyr.
Qazirgi zamanǵy ǵylymı derekter boıynsha, pıramıdanyń ishki kamerasyndaǵy granıt Gızadan ońtústikke qaraı 860 shaqyrym qashyqtyqtaǵy Aýsannan, al áktastar qurylys ornynan 12 shaqyrym jerdegi Tur taýynan ákelingen.
