Mysyr mıllıarderi mıgranttar úshin Grekııadan nemese Italııadan aral satyp almaq
ASTANA. QazAqparat - Mysyrlyq mıllıarder Nagıb Savırıs eýrodaq elderine bosyp kelip jatqan mıgranttarǵa jaǵdaı týǵyzý úshin Grekııadan nemese Italııadan aral satyp almaqqa nıettenip otyrǵanyn málim etti.
Bul týraly beısendi kúni bıznesmen tvıtterge jazǵan.
«Meıli Grekııa nemese Italııa, maǵan araldaryn satatyn bolsa, bosqyndardy qabyldap , olarǵa jumys taýyp berip, jańa memleket qurýlaryna jaǵdaı týǵyzamyn»,-dep atap ótken ol.
Batys BAQ-tarynyń habarlaýynsha,Savırıske aral satyp alý oǵan keminde 10 mıllıon, tipti 100 mılıonǵa túsýi yqtımal. Onyń ózi de aralda kóptegen adamnyń ómir súrýi úshin qajetti jaǵdaı týǵyzý úlken júk ekendigin moıyndap otyr.
EO-nyń shekaralyq agenttigi sońǵy 7 aıdyń ishinde Eýroodaqqa aǵylyp kelip jatqan mıgranttardyń sany 340 myńǵa jetkendigin málim etti,dep habarlaıdy interfax.ru.
