Mysyr men Saýd Arabııasy birigip 16 mlrd dollardyń qoryn qurady
ASTANA. QazAqparat - Mysyr men Saýd Arabııasynyń bıligi 60 mlrd rıal kóleminde (16 mlrd. dollar) birlesken ınvestıtsııalyq qor qurý týraly kelisimge qol qoıdy. Bul týraly Bı-Bı-Sı agenttigi habarlady.
Kelisimge Mysyr prezıdenti Ábdel Fattah as-Sısı men Saýd Arabııasynyń koroli Salmannyń qatysýymen qol qoıyldy.
Sondaı-aq taraptar Sınaı túbegin damytý úshin erkin ekonomıkalyq aımaq qurý týraly jazylǵan nıet memorandýmyna qol qoıylǵan.
Kaır men Er-Rııad Sýets arnasynyń janyndaǵy Sınaı ındýstrııalyq aımaǵynda jalpy quny 3,3 mlrd dollardyń jobalaryn damytýǵa kelisti. Budan basqa, baǵasy 2,2 mlrd dollar elektr stansasynyń qurylysy týraly kelisim jasaldy.
Juma kúni korol Salman Mysyr men Saýd Arabııasynyń arasynda kópir salynatynyn málimdedi. Ol joba týraly ázirge naqty málimet jarııa etilmedi.
