Mysyr quramasy qatarynan úshinshi ret Afrıka kýbogyn jeńip aldy
ASTANA. Aqpannyń 1-i. QazAqparat - Mysyr quramasy jeksenbi kúni Angolada aıaqtalǵan Afrıka kýbogynyń jeńimpazy atandy,
dep habarlaıdy «RIA Novostı» agenttigi.
Aqtyq kezdesýde Gana quramasyn 1:0 esebimen jeńgen mysyrlyqtar osymen qatarynan úshinshi ret qurlyq birinshiligin jeńip alyp otyr. Mysyrlyqtarǵa jeńis ákelgen matchtyń jalǵyz golyn oıynnyń 85-shi mınýtynda Geddo soqty.
Mysyr quramasy Afrıka Kýbogy tarıhyndaǵy óziniń jetinshi tıtýlyn jeńip alyp otyr. Qanjyǵasynda 5 gol bar Geddo bıylǵy kýboktyń úzdik shabýyldaýshysy dep tanylsa, al Mysyr quramasynyń kapıtany Ahmet Hassan týrnırdiń úzdik oıynshysy atandy.
Gana quramasy Afrıka kýbogynda ekinshi oryndy qanaǵat tutsa,, úshinshi orynǵa, senbi kúni Aljır fýtbolshylaryn 1:0 esebimen jeńgen Nıgerııa komandasy kóterildi.
