Mysyr ІІM basshysy ózine jasalǵan qastandyqty lańkestik áreketterdiń jańa tolqynynyń bastalýy dep baǵalady
ASTANA. 5 qyrkúıek. QazAqparat - Mysyr Іshki ister mınıstri Mohammed Ibragım óziniń korteji janynda mınalanǵan kólik jarylysynan keıin bul qastandyqty lańkestik áreketterdiń jańa tolqynynyń bastalýy dep baǵalady.
Sheteldik buqaralyq aqparat quraldarynyń jazýynsha, onyń mundaı málimdemesi jarylys oryn alǵannan keıin birneshe saǵattan soń Mysyr telearnalarynda kórsetilgen.
«Oryn alǵan oqıǵa - bul sońy emes, tek lańkestik áreketterdiń basy ǵana. Bul 70-80-shi jyldardaǵy lańkestik zamanyna oralý», - dedi ol.
