Mysyr halqynyń sany 11 jylda 22 mıllıonǵa artqan
ASTANA. QazAqparat - 2017 jyly Mysyr halqynyń sany 94 mln 798 myń 827 adamdy qurady. Bul týraly halyq sanaǵy nátıjelerin jarııalaýǵa arnalǵan saltanatty shara barysynda Mysyrdyń Qoǵamdyq jumyldyrý jáne statıstıka ortalyq agenttiginiń tóraǵasy Abý Bakr al Djýndı málim etti, dep habarlaıdy QazAqparat AZERTADJ agenttigine silteme jasap.
Sharaǵa Mysyr prezıdenti Abdel Fattah as-Sısı, úkimet pen parlament músheleri, halyqaralyq jáne óńirlik uıymdardyń ókilderi qatysty.
Al Djýndı málim etkendeı, 2017 jyldyń 18 sáýirindegi jaǵdaı boıynsha, Mysyrdyń ózinde turatyn halyq sany 94 mln 798 myń 827 adamdy, al el aýmaǵynan tys jerde turatyn 9,4 mln.-dy quraıdy. Mysyr halqynyń jalpy sany - 104,2 mln adam.
2006-2017 jyldar aralyǵynda el ishinde halyq sany 22 mıllıonǵa artqan, al sońǵy 30 jylda ósim 96,5 paıyzdy qurady.
Sanaq derekterine sáıkes, Mysyr eń jas memleketterdiń biri pozıtsııasyn saqtap qalǵan. Árbir úshinshi mysyrlyqtyń jasy 15-ten 34-ke deıin.
