Mysyr halqynyń basym deni el konstıtýtsııasynyń jańa jobasyn qoldady
ÁBÝ-DÁBI. 23 jeltoqsan. QazAqparat - Eki kezeńdik referendýmnyń aldyn ala nátıjesi boıynsha, Mysyr halqynyń basym deni ıslamdyq kúshtermen usynylǵan el konstıtýtsııasynyń jańa jobasyn qoldady.
Bul týraly QazAqparattyń arnaýly tilshisi habarlady.
Senbi kúni Mysyrda konstıtýtsııanyń jańa redaktsııasyna daýys berý ulttyq referendýmynyń ekinshi kezeńi ótti. Mysyrlyq halyqty ekige qaq bólgen zań jobasyn ıslamdyq partııalar usyndy jáne oǵan «Musylman baýyrlar» qozǵalysynyń múshesi bolyp tabylatyn prezıdent Muhammed Mýrsı qoldaý bildirdi. Daýys berý barysynda elde halyqtyń saıası ózgeristerge ártúrli pikirin bildiretin kóptegen jıyndar ótti.
Bul rette, basqarýshy «Musylman baýyrlar» dinı-saıası uıymy daýys berýdiń ekinshi kezeńinde eldiń jańa basty zańyn halyqtyń 71 paıyzy qoldaǵandyǵyn jarııa etti. Qarsy daýys bergender - 37 paıyz. Halyqtyń daýys berý ýchaskelerine kelýi 30 paıyzdy qurady.
Konstıtýtsııanyń jańa jobasy Mysyr prezıdenti M.Mýrsıge jańa ókilettikter beredi. Onymen qosa, ol kúshine engen jaǵdaıda, elde aldaǵy úsh aıdyń ishinde parlamenttik saılaýlar ótýi tıis.
Referendýmnyń sońǵy nátıjeleri halyqqa 24 jeltoqsan, dúısenbi kúni jarııa etiledi.
