Mysyr ǵalymdary tańǵajaıyp jańalyq ashty
ASTANA. 24 sáýir. QazAqparat - Mysyr zertteýshileri qasıetti Quranǵa súıenip, topan sýdyń búgingi Saýd Arabııasy jerinen bastalyp, Iemennen Levantqa deıingi aýmaqqa jaıylǵany jóninde ǵylymı dálel keltirip otyr. Bul jaıynda al-Arabiya habar taratty.
Mekke qalasyndaǵy Ýmm ál-Kýra ýnıversıtetinde jumys isteıtin Muhammed ál-Bastaýısı óziniń zertteýi Quranǵa negizdelgenin aıtty. muslim.kz saıtynyń jazýynsha, ol zertteý jumysynda gıdrologııalyq quraldy paıdalanyp, spýtnıkten túsirilgen sýretke taldaý jasaǵan. Onyń aıtýynsha, topan sý búgingi Iemen jerinen bastaý alyp, Saýd Arabııasyn basyp ótip, Levantqa (Levant - Jerorta teńizi aımaǵynyń shyǵys bóliginiń jalpy ataýy) deıin jetken. Topan sýdyń basýyna Quranda aıtylǵandaı janartaý sebep bolǵan. Bul úshin ol spýtnıkten túsirilgen sýretti zerttegen. Onyń sózine qaraǵanda, janartaýdyń atqylaýy - álemge topan sýdyń qaptaıtyndyǵyn bildiretin Qudaıylyq belgi bolyp tabylady. Topan sýdyń nátıjesinde aýdany 1 mln sharshy shaqyrymdy alyp jatqan úlken kól paıda bolady. Ol batystaǵy Hıjaz taýly jotalar men Arab túbeginiń ortalyq bóligindegi «Jebel Tývak» taýly qulama eńis aralyǵynda bolǵan. Alaıda, ol Nuh kemesiniń toqtaǵan jerin anyqtaı almaǵan. Zertteýshi bul aqıqatqa Quranda aıtylǵan janartaý ornyn tapqannan keıin kóz jetkizgen. Muhammed ál-Bastaýısı shýmerlik eposty da eske aldy. Adamzattyń eń kóne ádebı týyndysy «Bárin kórgen adam týraly» poemada topan sý jaıly aıtylyp, onyń sózin rastaı túsedi. Bir aıta keterligi, onyń bul jańalyǵy Oksford ýnıversıtetinde 2013 jyldyń shilde aıynda resmı túrde jarııalanady.
