Mysyr eldegi tóńkeris qurbandarynyń sanyn anyqtady
ASTANA. 17 aqpan. QazAqparat - "Mysyrda 18 kúnge sozylǵan úkimetke qarsy jappaı kóteriliste oryn alǵan qaqtyǵystarda kem degende 365 adam qurban boldy", - dep habarlaıdy RBK Associated Press silteme jasaı otyryp.
Bul san Mysyr Densaýlyq saqtaý mınıstrliginiń baıandamasynda keltirilgen jáne aldaǵy ýaqytta qurban bolǵandardyń sany budan da artýy múmkin delingen.
Tártipsizdikter barysynda túrli áleýmettik jáne ártúrli jastaǵy toptarǵa jatatyn sherýshiler 1981 jyldan beri el prezıdenti laýazymynda otyrǵan Hosnı Mýbaraktyń otstavkaǵa ketýin talap etti.
Olardyń talaptary qanaǵattandyrylyp, bılik áskerı keńeske ótti. Alaıda, Mysyr astanasy - Kaırde bolǵan narazylyq sherýiniń sońǵy kúnderi oppozıtsııalyq sherýshiler men bılik jaqtaýshylary arasyndaǵy qandy qaqtyǵysqa ulasqan bolatyn.
Osy qaqtyǵystar saldarynan kem degende 10 adam qurban bolyp, júzdegen adam jaralandy.
Jańa bılik eldegi jaǵdaıdy qalypqa keltirip, Mysyrǵa týrısterge esik ashýǵa tyrysýda. Týrızmge qolaıly eldiń bedelin qalpyna keltirý úshin resmı Kaır týrıstik kompanııalarǵa charterlik reıs uıymdastyrýǵa ótemaqy tóleýge, al týrısterge qonaq úılerde tómen baǵa jáne sapaly qyzmet kórsetýge ýáde berip otyr.
