Mysyr ekonomıkasyna kún saıyn 300 mıllıon eýronyń shyǵyny kelýde
ASTANA. 4 aqpan. QazAqparat - Basylmaı otyrǵan narazylyq sharalary men eldi jaılaǵan áleýmettik turaqsyzdyq mysyr ekonomıkasyn turalatyp ketýi múmkin.
Frantsýzdyń Credit Agricole banki sarapshylarynyń esepteýinshe, eldiń kúndelikti shyǵyny 310 mıllıon eýrodan asyp otyr, dep habarlaıdy RBK agenttigi Associated Press agenttigine silteme jasap.
Qalyptasqan ahýaldy jáne uzaqqa sozylǵan saıası daǵdarysty eskere otyryp, bank sarapshylary aǵymdaǵy jyldyń qorytyndysy boıynsha Mysyrdyń jalpy ishki óniminiń ósýi boıynsha boljamdy 1,6 paıyzdyq baǵamǵa - 5,3 paıyzdan 3,7 paıyzǵa deıin tómendetý týraly sheshim qabyldap otyr, dep habarlaıdy Associated Press.
Buǵan eldegi bankterdiń, qor bırjalary men kóptegen zaýyttardyń óz jumystaryn toqtatýy, sondaı-aq birneshe ondaǵan myń sheteldik týrısterdiń elden ketýi sebep bolýda. Mysyr ekonomıkasynyń mańyzdy sektoryn - týrızm salasy quraıtynyn eskersek, bul zańdy qubylys.
Mysyrdaǵy narazylyq sharalarynan basqa arab elderiniń bırjalary da zardap shegip otyrǵanyn aıta ketý kerk. Revolıýtsııalyq kóńil-kúıdiń aımaqtyń basqa da elderine taralý qaýpine baılanysty, Parsy shyǵanaǵyndaǵy elderdiń birazynda saýda qorlarynda jetekshi ındekster kún sanap tómendep bara jatyr.
Mysyrdaǵy úkimetke qary narazylyq sharalarynyń jalǵasqanyna birneshe aptanyń júzi boldy.
