Mysyr Brıtanııada ejelgi músinniń satylýyna narazylyq bildirdi
ASTANA. QazAqparat - Mysyr Brıtanııada 4,5 myń jyldyq ejelgi mysyrlyq músinniń satylýyn synǵa aldy. Dúısenbide ony Christie's bássaýda úıinde saýdaǵa shyǵarady.
Londondaǵy Egıpet elshisi bul aýktsıonnyń eliniń jeke arheologııalyq jáne mádenı murasy quqyǵynyń buzylýy bolatyndyǵyn málimdedi.
Músindi burynǵy ıesi - aǵylshyndardyń Nortgempton qalasynyń ákimshiligi satady. Olar túsken qarjyǵa jergilikti murajaıda jańa galereıa salýdy kózdep otyr, dep habarlady VVS. Aldyn ala boljam boıynsha, músin 10 mıllıon dollarǵa ótýi múmkin. Nortgempton bıligi ókiliniń sózine qaraǵanda, josparlanyp otyrǵan bul satylym týraly Kaırge eki jyl buryn habarlanǵan. Alaıda Mysyr bıligi tarapynan eshqandaı qarsylyq bolmaǵan.
