Mysyr bıligi COVID-19 vırýsyna shaldyqqan týrısterdiń medıtsınalyq shyǵyndaryn óteıdi

MÁSKEÝ. QazAqparat – Mysyr eliniń bıligi elde demalǵan kezde koronavırýs anyqtalǵan týrısterdiń medıtsınalyq shyǵyndaryn óteıtinin málim etti, dep habarlaıdy QazAqparat TASS aqparat agenttigine silteme jasap.

Eger aýrý jeńil formada ótip, patsıentti aýrýhanaǵa jatqyzý qajet bolmasa, shyǵyndardy demalýshy turyp jatqan qonaqúı óteıdi. Eger vırýsqa shaldyqqan demalýshyǵa statsıonar rejıminde dárigerler kómegi kerek bolsa, barlyq shyǵyndardy el úkimeti óteıtin bolady. COVID-19 vırýsyna shaldyqqan saıahatshylardyń tegin emi Sharm-esh-Sheıh, Hýrgada nemese Kaır qalalarynyń memlekettik aýrýhanalarynda qamtamasyz etiledi.