Mysyr Bas prokýratýrasy Hosnı Múbárakqa ólim jazasyn talap etti
ASTANA. QazAqparat - 2011 jylǵy tóńkeris kúnderinde sherýshilerdi óltirý boıynsha is úderisinde aıyptaýshy bolǵan Mysyr Bas prokýratýrasy sottalǵandarǵa eń joǵary jaza taǵaıyndaýdy talap etti, dep habarlady ITAR-TASS.
«Ál-ıAým as-Sabıa» basylymynyń habarlaýynsha, prokýratýra ókilderi seısenbi kúni ózderiniń aıyptaý sózderin aıaqtady jáne «qylmystar jıyntyǵy boıynsha» eks-prezıdent Hosnı Múbárakqa, onyń uldary Gamal men Alıge, ІІM burynǵy basshysy Habıb ál-Ádlıge jáne onyń birneshe kómekshilerine darǵa asý arqyly ólim jazasyn talap etti.
Seısenbide ótken kezekti sot otyrysynda prokýratýra ókilderi, atap aıtqanda, ІІM «sherýshilerge qarsylyq kórsetýde óz bólinisterin avtomattarmen jáne oqtarmen qarýlandyrǵanyn» málimdedi. Aıyptaýshylardyń aıtýynsha, polıtseıler strategııalyq nysandardy, sonyń ishinde úkimetke qarsy jappaı kóteriliske shyqqan myńdaǵan adam bolǵan Tahrır alańynan 300 metr jerde ornalasqan ishki ister mınıstrliginiń ǵımaratyn qorǵaý úshin oq jaýdyrýǵa buıryq alǵan. Sonymen birge, prokýratýranyń málimetteri boıynsha, mert bolǵandardyń kópshiligi basynan, moınynan jáne keýdesinen oq tıip qazaǵa ushyraǵan. Tyńdaýlarda kýálik bergen EAR qaýipsizdik kúshteri ortalyq basqarmasynyń ókili Tarek Ibragım ıAsın «kúsh-qurylymdary sherýshilerge qarsy qoldanýǵa tyıym salǵan 11 myń patrondaryn joǵaltqanyn» aıtty.
2011-2012 jyldary ótken osy is boıynsha alǵashqy protseste aıyptaý Múbarakqa jáne qulatylǵan rejımniń qyzmetkerlerine ólim jazasyn berýdi talap etken bolatyn. Alaıda ol kezde sottalýshylardyń aıybyn bultartpaıtyn dálelder tabylmasa da, burynǵy prezıdentti jáne ІІM eks-basshysyn ómir boıyna túrmege otyrǵyzýmen shekteldi.
Budan keıin memleket basshylyǵyna kelgen ıslamshylardyń ókili Muhammed Mýrsı jazanyń tym jeńil ekenin eskerip, isti qaıta qaraýǵa pármen berdi. Qazir onyń ózi de bılik etken tusynda bolǵan Kaırdegi qarsylyqtar aktsııasy kezinde sherýshilerdiń mert bolýymen baılanysty is boıynsha aıyptalýshylar qatarynda.
Múbárakqa qarsy qaıta júrgizilip jatqan protsesti munda «ǵasyr protsesi» dep ataýda, ol eks-prezıdenttiń advokattarynynyń apellıatsııasy qanaǵattandyrylǵannan keıin ótken jylǵy sáýirde bastaldy. Bul is boıynsha kelesi sot otyrysy 29 naýryzda ótedi.
