Mysyr bankteri qyzmetkerlerdiń ereýilinen keıin jumys isteı bastady
ASTANA. 21 aqpan. QazAqparat - Jeksenbi kúni bank salasy qyzmetkerleriniń ereýilge shyǵýyna baılanysty bastalǵan májbúrli demalystardan keıin Mysyr bankteri qaıta ashyldy.
Bul týraly jergilikti BAQ aqparattaryna silteme jasaı otyryp Ýtro.rý agenttigi habarlaǵan. Bankter bir apta buryn qyzmetkerlerdiń ereýilge shyǵýyna baılanysty 14 aqpannan bastap demalysqa ketken bolatyn. Qazirgi tańda bankterdiń barlyǵy qalypty jaǵdaıda jumys isteı bastady.
Mysyrdy 30 jyl boıy basqarǵan prezıdent Hosnı Mýbarak 18 kún boıy jalǵasqan halyq tolqýlarynan keıin 11 aqpan kúni otstavkaǵa ketti. Prezıdent bılikti qorǵanys mınıstri Hýseın Tantavı basqaratyn Mysyr Qarýly kúshteriniń Joǵarǵy keńesine bergen bolatyn. Alaıda el boıynsha jalaqy mólsherin arttyryp, eńbek sharttaryn jaqsartýdy talap etken buqaralyq ereýilder men narazylyq sharalary tyıylmaı otyr.
