Mysyr astanasynda tártipsizdikterge baılanysty komendanttyq saǵat engizildi

«Ál-Arabııa» telearnasyna silteme jasap Lenta.rý habarlaǵandaı, erekshe tártip jergilikti ýaqyt boıynsha saǵ.2:00-den 7:00-ge deıin jumys isteıdi jáne atap aıtqanda, teleortalyq ornalasqan Nıl jaǵalaýyndaǵy Maspero aýdanynda qoldanylady. Áskerılermen qaqtyǵysqa ulasqan sherý sol jerde bastalǵan bolatyn.

Sońǵy derekterge qaraǵanda, áskerılerdiń sherýshilermen qaqtyǵysy saldarynan 23 adam qaza taýyp, kem degende 174 adam zardap shekken. Mundaı aqparatty memlekettik telearna efırinde Mysyr úkimetiniń ókili taratty, dep habarlaıdy Agence France-Presse.

Eske sala keteıik, jeksenbiniń keshine koptar Edfý qalasyndaǵy shirkeýdiń qıratylýyna qarsy narazylyq aktsııasyn ótkizbek bolatyn. Uıymdastyrýshylardyń sózine qaraǵanda, sherý beıbit túrde ótýi tıis edi, degenmen sherýshilerge belgisiz bireýler shabýyldap, oǵan ásker aralasty.

Sherýge barlyǵy 10 myń adamǵa deıin qatysty.