Mysyr arheologtary ejelgi 17 mýmııany tapty
ASTANA. QazAqparat - Mysyr arheologtary Kaırdan ońtústikke qaraı 250 shaqyrym qashyqtyqta ornalasqan El-Mınıa provıntsııasynan jaqsy saqtalǵan ejelgi mýmııalardy taýyp aldy, dep jazady bbc.com saıty.
Ejelgi jerleý oryndary jer astynda shamamen segiz metrlik tereńdikte ornalasqan. Qabir ishinen mýmııalarmen birge áktas pen sazdan jasalǵan sarkofagıler, janýarlar qaldyqtary, ejelgi mysyr jazýymen jazylǵan papırýstar tabyldy.
Mýmııalardyń naqty jasy anyqtalǵan joq. Kaır memlekettik ýnıversıteti arheologııa fakýltetiniń dekany Mohammed Hamza olardyń Mysyrdyń grek-rım dáýirine sáıkes keletindigin aıtty.
Aıta keteıik, bul dáýir Aleksandr Makedonskıı b.d.d. 332 jyly eldi jaýlap alǵannan keıin shamamen 600 jylǵa sozyldy.
