Mysyr Arab Respýblıkasy qazaqstandyqtarǵa bilim granttaryn usyndy

ASTANA. QazAqparat - Ál-Azhar qory jáne Mysyr Arab Respýblıkasynyń Joǵary bilim mınıstrligi mınıstrligi Qazaqstan azamattaryna 2018-2019 - oqý jylyna granttar usyndy, dep habarlaıdy QazAqparat «Halyqaralyq baǵdarlamalar ortalyǵy» AQ saıtyna silteme jasap.

Mysyrdyń Joǵary bilim mınıstrligi usynatyn granttar:

Dinı emes mamandyqtar boıynsha óner jáne ǵylym fakýltetterinde bakalavrıat baǵdarlamasy boıynsha oqýǵa arnalǵan - 2 grant, arab tilin úırenýge arnalǵan - 2 grant bólingen.

Al Ál Azhar qorynyń usynatyn granttar:

Ál Azhar ınstıtýttarynda oqýǵa arnalǵan - 9 grant,

Dinı mamandyqtardy oqýǵa arnalǵan - 5 grant,

Dinı emes mamandyqtardy oqýǵa arnalǵan - 10 grant,

Arab tilin úırenýge arnalǵan - 1 grant.

Ótinish berý 1 shildege sheıin jalǵasady. Qujattardy Astana qalasyndaǵy Mysyr Arab Respýblıkasynyń elshiligi qabyldaıdy.

Úmitkerlerden tólqujat kóshirmesi, orta mektepti bitirgeni týraly (QR Syrtqy ister mınıstrligi rastaǵan) attestaty, medıtsınalyq anyqtama, týý týraly kýáligi talap etiledi. Barlyq qujattar arab tiline aýdarylǵan bolýy tıis. Sondaı-aq, úmitker arab tilin jetik bilmegen jaǵdaıda ony jazbasha rastaýy kerek, budan basqa ol bilim alatyn 3 oqý salany (ásirese medıtsına, farmatsevtıka jáne ınjenerııa salalary) atap kórsetýi tıis.

Oqý tili - arab tili. Aǵylshyn nemese frantsýz tilderinde oqýdy tańdaǵan úmitkerden qosymsha aqy talap etiledi.

Mysyr tarapy úmitkerlerdiń jol aqysy men men meken-jaı shyǵyndaryn óteıdi. Qabyldanǵan úmitkerler 2018 jyldyń 30 tamyzynda Mysyrǵa attanady.

Tolyqqandy aqparat alý úshin Mysyr Elshiligine habarlasqan jón.