Mysyr álemniń jeti keremetiniń birin qalpyna keltirmekshi
ASTANA. QazAqparat - Mysyr bıligi álemniń jeti keremetiniń biri - 700 jyl buryn jer silkinisinen qıraǵan Aleksandrııa shamshyraǵyn qalpyna keltirýge nıetti, dep jazady sheteldik BAQ.
Qurylys jobasy maquldanǵan shamshyraq buryn ornalasqan jerine jaqyn jerde Faros aralyna salynady.
Qurylys salýshylar ony mátindik sıpattamasyna negizdep salmaq, sebebi onyń birde-bir sýreti bizge deıin jetken joq.
Aleksandrııa shamshyraǵy óz zamanyndaǵy óner men ǵylymnyń ǵajaıyp úlgisi bolyp tabylady. Bıiktigi 120 m shamasyndaǵy úsh qabatty munaranyń birinshi qabaty orasan zor sharshy kólemde áktastan turǵyzylǵan. Ekinshi qabat segiz qyrly munaradan turady, onyń segiz qyry belgili segiz jeldiń baǵytyna qaraı ornalastyrylǵan.
