Mysyr A321 bortynda lańkestik jasalǵanyn dáleldeıtin aıǵaqtar tappady
ASTANA. QazAqparat - Sınaı jartylaı aralynda reseılik A321 avıalaıneriniń qulaý sebepterin anyqtaý maqsatynda Mysyr bıligi qurǵan arnaıy komıssııa ushaq bortynda lańkestik oryn alǵanyn dáleldeıtin aıǵaq zattardy tappady.
Jergilikti telearnada sóz sóılegen komıssııa basshysy ushaqqa bógde bireýleriniń kirýine qatysty dálelder tabylmaǵanyn málim etti, dep habarlady Bı-Bı-Sı .
Reseılik tarap muny lańkestik dep ataǵan. Kóptegen batys elderdiń de pikiri osyndaı boldy. «Islam memleketi» toby jaýapkershilikti moınyna alǵan bolatyn.
Sharm-esh-Sheıhten Sankt-Peterborǵa reıs jasaǵan reseılik «Kogalymavıa» áýe kompanııasynyń A321 ushaǵy 31 qazanda Sınaı jartylaı alańynda qulady. Ushaq bortynda bolǵan 224 adam qaza tapty.
Mysyr bıligi muny lańkestik áreket emes ekendigin aıtqan.
Aıta keteıik, brıtanııalyq jáne reseılik úkimet Mysyrǵa ushyrylatyn reısterdi ýaqytsha toqtatý sheshimin qabyldaǵan.
