Mysyr 1 mamyrdan bastap týrıstik vızalardyń baǵasyn kóteredi
ASTANA. QazAqparat - Mysyr 1 mamyrdan bastap týrıstik vızalardyń baǵasyn 5 dollarǵa kóteredi. Sársenbi kúni Mysyr týrızm mınıstri Hısham Zazý habarlaǵandaı, týrısterge budan bylaı elge kirgeni úshin burynǵydaı 15 dollar emes, 20 dollar tóleýi tıis, dep habarlady ITAR-TASS.
Atalǵan shara kútpegen jaǵdaı emes. Budan bir jyl buryn Mysyr bıligi 1 qarashadan bastap elge ený qunyn 15 dollardan 25 dollarǵa deıin kóterý josparda bar ekenin habarlaǵan bolatyn. Ol sheteldegi Mysyr elshilikterinde jáne shekarada elge kelý boıynsha vıza beretin ózderiniń júıesin birizdendirý úshin jasalyp otyr.
Alaıda qarashada vızanyń baǵasy ózgermedi, al elge kelý vızalarynyń qunymen baılanysty ózgerister 2014 jyldyń mamyr aıyna aýystyryldy. Qorytyndysynda, vıza týrısterge bastapqyda kózdenlgendeı 10 dollarǵa emes, 5 dollarǵa ǵana qymbattady. «Qandaı jaǵdaıda bolmasyn, bizdiń vızalarymyz burynǵysynsha álemdegi eń arzandarynyń biri bolyp qalyp otyr», - dep sanaıdy Hısham Zazý.
2014 jyldyń alǵashqy eki aıynda Mysyrǵa barǵan sheteldik týrıster sany ótken jyldyń osy kezeńimen salystyrǵanda 28 paıyzǵa - 1,3 mln. adamǵa deıin azaıǵan.
