Mysyqty azaptap, 1 jylǵa bas bostandyǵynan aıyryldy

Frantsýz BAQ málimetinshe, 24 jastaǵy er adam mysyqty edenge qulatqany, qabyrǵaǵa laqtyrǵany túsirilgen beınejazbany áleýmettik jelige ornatqan. Bul beınerolık ınternet paıdalanýshylar arasynda narazylyq týdyryp, qınaǵan azamattyń kim ekeni shuǵyl anyqtaldy.

Aıyptalýshynyń sózine qaraǵanda, dostarymen kóshede júrgen de ol osy mysyqty ustap alyp azaptaı bastaǵan. Al dosy bul áreketin uıaly telefon kamerasyna túsirgen. «Nege mundaı áreketke barǵanymdy bilmeımin. Bolashaqta mundaı is qaıtalanbaıdy dep ýáde beremin», - deıdi er azamat.

Japa shekken 5 aılyq mysyqtyń marǵaýy qoqys konteınerinen tabylǵan. Ony qınaǵan kezde mysyqtyń aıaǵy synyp, ózge de jaraqat alǵan. Ota jasalǵannan keıin onyń jaǵdaıy jaqsarypty. Jaqyn arada úıine qaıtarylýy múmkin, dep habarlady Rosbalt.