Mysyq jabyq konteınerdiń ishinde 49 kún jatqan
ASTANA. QazAqparat - Avstralııadaǵy Darvın qalasynda úı mysyǵy Pıppa erekshe oqıǵany bastan keshirdi. Mysyq jabyq konteınerdiń ishinde tamaqsyz, sýsyz 49 kún qalyp qoıǵan.
Aqpan aıynyń sońynda mysyq ıesiniń kórshisi Darvınnen Brısbenge kóshetin bolǵan. Ol úıindegi jıhazy men iri zattardy tasymaldaý úshin úlken júk konteınerine tapsyrys berdi. Zattar artylyp jatqan shaqta mysyq konteınerdiń ishine kirip ketken. Zattar artylyp, konteıner jabyldy da, Brısbenge tasymaldaý úshin qoımaǵa jiberildi.
49 kúnnen keıin Brısbenge kóship ketken kórshi óziniń konteınerin ashqan kezde onyń ishinen qatty búlingen qymbat matrasy men tiri, biraq óte azyp ketken sur tústi mysyqty taýyp aldy, dep habarlaıdy TASS.
Qazirgi kezde saýyǵyp ketken Pıppa Brısbendegi veterınarlyq emhanada ıesiniń qashan alyp ketetin kútýde. Darvın men Brısbenniń arasy 2,8 myńnan astam shaqyrymǵa sozylyp jatyr.
