Mysyq matematık ınternet-qoldanýshylardy tańǵaldyrdy
ASTANA. QazAqparat - Sankt-Peterbýrgtegi mysyqtar dámhanasynyń turǵyny matematıkalyq esepterdi jańǵaqtaı shaǵady. Erekshe mysyqtyń esimi Marý, onyń jasy úsh jarymda.
«Mysyqtar respýblıkasy» dámhanasyndaǵylardyń aıtýynsha, janýar 9-dyń kvadrat túbirin taba alady, dep jazady rosbalt.ru.
«Marýǵa esepti úıretken qyzmetkerlerimizdiń biri. Oǵan esepti shyǵarýǵa birer sekýnd qana kerek», - deıdi mekeme qyzmetkeri.
Mysyq jaýapty qońyraý túımesin basý arqyly beredi.
Marý 2014 jyly Ermıtaj aýlasynda kólik astyna túsip qalǵannan keıin «Mysyqtar respýblıkasyna» jetkizildi.
