Mys óndirýshi kompanııa «Birgemiz» qoǵamdyq qoryna 2,2 mlrd teńge aýdardy
KAZ Minerals – Qazaqstan, Qyrǵyzstan jáne Reseıdegi karerlik tıptegi taý-ken óndirisin damytýǵa baǵyttalǵan iri mys óndirýshi kompanııa. Óz jumysyn ShQO-daǵy Aqtoǵaı men Pavlodar oblysyndaǵy Bozshakól ashyq kenishterde, sondaı-aq Shyǵys Qazaqstanda ornalasqan 3 kenish pen 3 ken baıytý fabrıkacynda jáne Qyrǵyzstandaǵy Bozymshaq mys-altyn kenishinde júrgizedi. 2019 jyly mystyń jalpy óndiris kólemi 311 myń tonnany quraǵan.
«Eldegi tótenshe jaǵdaıǵa oraı biz keńseler men kásiporyndarǵa bógde adamdardyń kirýine tyıym saldyq. Barlyq alys-beris zattar men qujattar tekserý-ótkizý ornynda qabyldanyp, tapsyrylýda. Kásiporyndardyń qalypty jumysyn qamtamasyz etetin qyzmetkerler ǵana qalyp, qalǵandary qashyqtan jumys isteýge kóshken. Olar qajetti tehnıkalarmen jáne baǵdarlamalarmen qamtamasyz etildi», - deıdi Ermek Dúzkenov.
Onyń aıtýynsha, kásiporyndar burynǵy qarqynmen jumys isteýde. Kúnine birneshe ret dezınfektsııalaý sharalary júrgizilip, jumysshylarǵa antıseptıkter men maskalar taratyldy.
«Tipti kompanııa boıynsha qol alysyp sálemdesýge tyıym salyndy. Aqtoǵaı men Bozshakól sııaqty vahtalyq kásiporyndardaǵy qyzmetkerlerdiń kezekshiligi TJ aıaqtalǵansha sozyldy. Olarǵa eńbekaqylary eki eselenip tólenedi. Vahtaaralyq demalysta bolyp, joldar jabylǵannan keıin kele almaı qalǵan qyzmetkerler bazalyq jalaqysyn alyp otyrady. Qazirgi ýaqytta jumysshylar arasynda koronavırýs ınfektsııasynyń belgileri bar adamdar tirkelmegen», - deıdi kompanııa ókili.
KAZ Minerals toby Elbasy Nursultan Nazarbaevtyń qıyn jaǵdaıǵa tap bolǵan otandastarymyzǵa kómek kórsetý qajettigi jaıly bastamasyna qoldaý bildirdi. Búginde kompanııa «Birgemiz» qoǵamdyq qoryna 2,2 mlrd teńge aýdarǵan.
