Myrzaxmetov Pavlodar men Aqtóbe oblystaryn aralaıdy
ASTANA. QazAqparat - Úkimet basshysynyń orynbasary Asqar Myrzaxmetov eki oblysty aralap, kooperatsııanyń tıimdiligin túsindiredi, dep habarlaıdy QazAqparat tilshisi.
«1-2 naýryz kúnderi Premer-Mınıstrdiń orynbasary - Aýyl sharýashylyǵy mınıstri Asqar Myrzaxmetovtyń Aqtóbe jáne Pavlodar oblystaryna jumys sapary josparlanyp otyr. Atalǵan saparlardyń negizgi maqsaty - aýyl sharýashylyǵy kooperatıvteriniń damýyn talqylaý», - dedi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıng barysynda.
Aıta keteıik, aýyl sharýashylyǵyn damytýǵa arnalǵan jańa memlekettik baǵdarlamada kooperatıvterdi qurý máselesine basa nazar aýdaryly otyr. Memleket basshysynyń bıylǵy Joldaýynda da atalǵan máselege toqtalyp: «Bes jyldyń ishinde 500 myńnan astam jeke úı sharýashylyqtary men shaǵyn fermerlerdi kooperatıvterge tartýǵa múmkindik beretin jaǵdaı jasaý qajet», - dep naqty tapsyrma bergen.
