Myrzataı Joldasbekov pen Maıra Muhamedqyzy kóppen birge dıktant jazady

ASTANA. QazAqparat - Latyn qarpindegi qazaq álipbıinen alǵash ret ótkiziletin «Jalpyhalyqtyq dıktantty» elimizge tanymal qoǵam qaıratkerleri men estrada juldyzdary da elmen birge jazatyn boldy, dep habarlaıdy QazAqparat tilshisi.

Eske sala ketsek, buǵan deıin QR Mádenıet jáne sport mınıstrliginiń uıymdastyrýymen 14 qarashada, saǵat 11.00 - 11.30 aralyǵynda respýblıka boıynsha latyn grafıkasy negizinde «Jalpyhalyqtyq dıktant» ótetinin habarlaǵan bolatynbyz.

«Sharanyń maqsaty - jańa qazaq álipbıin nasıhattaý, latyn qarpindegi qazaq álipbıin is júzinde meńgerýge daǵdylandyrý. Dıktantty arnaıy belgilengen oryndarda jáne emle.kz, tilalemi.kz saıttarynda, «Shalqar» jáne Qazaq radıo arnalarynda tikeleı efırde mátin aýdıosyn tyńdap, jazýǵa bolady. Aktsııanyń uzaqtyǵy - 30 mınýt.

Sonymen birge, QR Mádenıet jáne sport mınıstrligi jalpyhalyqtyq aktsııaǵa kimderdiń qatysatynyn habarlady.

«Qazaqstan Respýblıkasy Ulttyq akademııalyq kitaphanasynda ótetin dıktantqa belgili qoǵam qaıratkeri Myrzataı Joldasbekov, qazaqstandyq ártister Maıra Muhamedqyzy, Turar Álipbaev, Nurbolat Arzamas, Baqtııar Adamjan, aqyn-jazýshylardan Nesipbek Aıtuly, Roza Muqanova, Qonysbaı Ábilov, sportshylardan Serik Aqtaev, Aıbek Oralbaı, Áıgerim Ábilqadyrova, Talǵat Zarýbekov, Rınat Seknazarov, telejýrnalıster Láıla Sultanqyzy men Qanat Áýesbaı jáne basqa da belgili mádenıet jáne óner qaıratkerleri qatysady», - dep habarlaıdy mınıstrliktiń baspasóz qyzmetinen.

Qajetti aqparatty emle.kz, tilalemi.kz saıttarynan alýǵa bolady. 

Foto: shalkarfm.kz