Myrzalınge Astana tóńiregindegi demalý orny tanystyryldy
KÓKShETAÝ. QazAqparat - Aqmola oblysynyń tájirıbelik oq atý qaýymdastyǵynyń basshysy Rýslan Shámkenov oblys ákimine Astana tóńiregindegi demalý ornyn tanystyrdy, dep habarlaıdy QazAqparat tilshisi aımaq basshysynyń týrızm jónindegi keńesshisi Marat Iǵalıge silteme jasap.
«Beıbarys» demalý aımaǵy Astana qalasynan Qaraǵandy baǵytynda 15 shaqyrym qashyqtyqta ornalasqan. Bıylǵy jazda elorda turǵyndary osy jerge baryp, taza tabıǵat aıasynda demalýyna bolady.
«Memleket basshysynyń tapsyrmasyna sáıkes, Aqmola oblysynyń ákimi Málik Myrzalın Astana tóńireginde qala turǵyndary men qonaqtary úshin demalý bazasyn qurý jóninde mindet qoıyp otyr. Kópshilik Býrabaıǵa baryp, demala almaıdy. Al, mynda demalý ornyna aınalasy 15-20 mınýtta jetýge bolady. Men ózim osy bazada bolyp, zamanýı standarttarǵa saı jabdyqtalǵan qazirgi zamanǵy quraldardy kózben kórdim. Shynymen de, «Beıbarys» qalalyqtardyń demalatyn súıikti ornyna aınalatyny sózsiz. Keleshekte biz osy jerde halyqaralyq jarystar ótkizetin bolamyz. Jalpy, osyndaı nysandar barlyq jerde bolýy tıis», dep atap ótti Marat Iǵalı QazAqparat tilshisine.
Nysanda áskerı tehnıkalarmen oınaý úshin bir gektar jer telimi bólingen. Onda straıkzona - «CS De_Dust 2» jańa polıgony bul tanymal CounterStrike oıyny kartasynyń kóshirmesi.
Al jalpy demalý aımaǵyna keletin bolsaq, ormandy alańqaı, qonaqúı, meıramhana kesheni bar. Demalý aımaǵynyń jalpy kólemi 10 gektar jerdi alyp jatyr. Munda úlkender men balalardyń da kelip demalýyna bolady. Olarǵa barlyǵy 30 túrli qyzmet usynylady.
