Myrzalın Jaqsy aýdanyndaǵy egin alqaptaryn aralap kórdi
KÓKShETAÝ. QazAqparat - Aqmola oblysynyń ákimi Məlik Myrzalın jumys saparymen Jaqsy aýdanynda bolyp, birqatar əleýmettik-óndiristik nysandardyń jumysymen tanysty, dep habarlaıdy QazAqparat tilshisi.
Aımaq basshysy aldymen aýdandaǵy irgeli sharýashylyqtardyń birinen sanalatyn «Aıbat» JShS-niń egin alqaptaryndaǵy astyqtyń pisip, jetilýine nazar aýdardy.
Bıyl Jaqsy aýdanynda 433 myń gektar jerge dándi daqyldar sebilgen. Qazirgi kezde aýdanda oraq naýqanyna daıyndyq jumystary pysyqtalýda. Seriktestik dırektory Asqar Japarovtyń sózinshe, aldaǵy eki aptadan soń dıqandar kúzgi egin oraǵy naýqanyn bastamaq.
Osy kúni oblys ákimi aýdandyq aýrýhanada da boldy. Munda byltyr kúrdeli jóndeý júrgizilip, bıyl hırýrgııa jáne terapııa bólimderine medıtsınalyq qondyrǵylar satyp alynǵan.
Oblys ákimi Tursynbek Ýálıev atyndaǵy sport mektebinde de boldy. Aıta keteıik, atalmysh sport mektebi, bıznestiń áleýmettik jaýapkershiligi aıasynda salynǵan. Munda boks, voleıbol, basketbol, kúres pen fýtbol sektsııalary jumys isteıdi. Sońǵy 15 jyl boıy «Agrofırma TNK» JShS qamtamasyz etip kelgen sport mektebinde naǵyz sport sheberleri tárbıelenýde.
Məlik Myrzalın «Ýrojaı» JShS-niń jańa jobasy - jarma daıyndaıtyn óndiris ornynyń jumysymen de tanysty. Kásiporyn basshysy Gabıden
Bralınniń aıtýynsha, táýligine 50 tonna jarma óndiretin joba jyl aıaǵyna deıin iske qosylmaq. Búgingi kúni seriktestik astyqty saqtap, keptirip, tazartýmen aınalysady. Naýbaıhana da jumys isteıdi. Óndiris ornynyń jumysymen tanysqan oblys ákimi, agroóndiristik salasynda tereń óńdeýdiń mańyzdylyǵyn aıtyp, bul turǵyda jumysty jandandyrýdy tapsyrdy. 
Jaqsy aýdanynda 2010 jyly MIIB aıasynda alǵashqy bolyp júzege asyrylǵan jobalardyń biri «AgroComplexExpert» JShS. Osy ýaqyt ishinde óziniń tıimdiligin dáleldegen zertteý ornynyń mamandary, byltyr 10 myń gektar alqapta zertteý jumystaryn júrgizgen. Al bıyl tuqym sapasyn anyqtaıtyn jańa zerthana ashýdy josparlap otyr. 
