Myrzalın Úkimet basshysyna Býrabaı kýrorty aımaǵyn damytý sharalaryn baıandady
Oblys ákiminiń aıtýynsha, Memleket basshysy Nursultan Nazarbaevtyń «Şýchınsk-Býrabaı kýrortty aımaǵyn damytý» memlekettik baǵdarlamasyn júzege asyrý úshin QR Úkimeti, mınıstrlikter jáne Aqmola oblysynyń ákimdigi tarapynan maqsatty jumystar júrgizilýde.
«Joba boıynsha 2012-2013 jyldarǵa jáne 2014-2016 jyldarǵa arnalǵan eki kezeńdik jumystar atqarylady. Osynyń nátıjesinde 43 joba aıaqtalyp, 12 mıllıard teńge qarjy ıgerildi. Bıylǵy jylǵa ınfraqurylym boıynsha jobalardy júzege asyrý úshin 5,4 mıllıard teńge bólindi.
Qolda bar málimetterge qaraǵanda, sońǵy 6 jylda Aqmola oblysyna keletin týrıster sany 2 esege artyp, týrıstik qyzmet kólemi 5 esege ulǵaıǵan. Jazda týrıster sany 500 myńnan assa, jyl boıyna olardyń sany 1 mıllıonǵa jetedi. Jalpy, 2011-2016 jyldary oblysta týrızm salasy boıynsha demalý ındýstrııasy jobasyna 24 mıllıard teńge ınvestıtsııa tartylyp, 49 joba júzege asyryldy. Bıyl 2017-2019 jyldarǵa arnalǵan quny 13 mılıard teńgeniń týrızm ınfraqurylymyn damytý boıynsha 23 jobany júzege asyrý qarastyrylǵan»,- dedi aımaq basshysy.
Búgingi tańda EKSPO qatysýshylary men qonaqtaryna 100 nysan esigin aıqara ashyp otyr. Onyń 95-i Býrabaı kýrortynda bolsa, tórteýi Zerendi demalý aımaǵy jáne 1-ýi Qorǵaljyn aýdany aýmaǵynda ornalasqan.
Halyqaralyq sarapshylar jasaǵan jáne QR Indýstrııa jáne jańa tehnologııalar mınıstrligi bekitken Býrabaı kýrortty aımaǵyn 2020 jylǵa deıin damytýǵa arnalǵan júıeli jospary Şýchınsk-Býrabaı kýrortty aımaǵyn damytý» memlekettik baǵdarlamasyn júzege asyrýda basty qujat bolyp tabyldy.
Joba ınvestıtsııa tartýǵa qolaıly 5 baǵyttan turady. Onyń ishinde Shabaqty kóli aýmaǵyn kópshilik demalatyn orynǵa aınaldyrý (týrısterdiń demalýyna qolaıly jaǵdaı jasaý úshin barlyq kommýnıkatsııa júıeleri qarastyrylǵan ınfrqurylymdy damytý), Şýche kóli aýmaǵyn premıým-klassty týrızm aımaǵyna aınaldyrý («Býrabaı SEZ» aýmaǵynda qurylǵan 5 juldyzdy «RIXOS Borovoe» qonaq úıi, Qazaqstandyq laplandııa, ashyq tenıss korty), Qatarkól kóli aýmaǵynda at sporty jáne balalardyń saýyqtyrý týrızmi, Sarybulaq aýylynda ekoaýyl qurý, Júkeı kóliniń aýmaǵynda kempıngti damytý sııaqty jobalar bar.
Bul 5 jobany júzege asyrý - ishki jáne syrtqy týrızmdi damytýda báskelestikke saı týrıstik ortalyq qurýǵa múmkindik beredi.
Býrabaı kentinde ótken jyly jańa qazandyq ornatylyp, ortalyqtandyrylǵan jylýmen qamtamasyz etý máselesi sheshildi. Sondaı-aq, ekinshi kezektegi sý taratý jelisin qalpyna keltirý jumystary da aıaqtaldy.
Qazirgi kezde, Býrabaı kentindegi joldardy jóndeý jumystary júrgizilýde.
«Şýchınsk qalasynda aǵyn sýdy ótkizý jáne aýyz sýmen qamtamasyz etý máselesi ózekti bolyp otyr. Sondyqtan Şýche kóliniń aınalasyndaǵy saýyqtyrý oryndaryn sý ótkizý jáne sýmen jabdyqtaý júıesiniń nysanyn salýdy qajet etedi. Oǵan qosa magıstraldy sý qubyrynyń qurylysyn júrgizý kerek. Şýchınsk qalasyn bir ortalyqtandyrylǵan jylý júıesimen qamtamasyz etý úshin qazirgi zamanǵy tehnologııa qoldanylatyn qazandyq salý qajet. Bul kýrortty óńirdiń ekologııasyna oń əser eter edi», dedi aımaq basshysy.
Bıyl Şýchınsk-Býrabaı kýrortty aımaǵyn damytý boıynsha jalpy quny 5,4 mılıard teńge turatyn 13 joba qarastyrylǵan. Osy jyly Býrabaı kentinde kárizdik tazalaý nysannynyń qurylysyn aıaqtaý josparlanǵan.
Jalpy, 2017-2020 jylǵa deıin Şýchınsk-Býrabaı kýrortty aımaǵyn damytýdyń 3-shi kezeńi boıynsha quny 27,2 mıllıard teńgeniń 21 jobasy qarastyrylǵan. Sonymen qatar, qosymsha 10 joba boıynsha 41,1 mıllıard teńge bólý usynylýda.
