Myrzalın men Mırzaev əriptestik týraly memorandýmǵa qol qoıdy
KÓKShETAÝ. QazAqparat - Aqmola oblysy men Ózbekstan Respýblıkasynyń Syrdarııa oblysy əriptestik týraly memorandýmǵa qol qoıdy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Vedomstvonyń məlimetinshe, búgin Shymkent qalasynda Qazaqstan men Ózbekstan Respýblıkalary arasynda əriptestik týraly óńiraralyq forým ótti. Forýmǵa Aqmola oblysynyń aýyl sharýashylyǵy, kəsipkerlik jáne ónerkásip basqarmalarynyń, kəsipkerlik palatasy ókilderi, kəsipkerler qatysty.
Forýmda Aqmola oblysynyń ákimi Məlik Myrzalın men Ózbekstan Respýblıkasy Syrdarııa oblysynyń hokımi Gofýrjon Mırzaev óńirler arasynda əriptestik týraly memorandýmǵa qol qoıdy.
«Syrdarııa men Aqmola oblystary arasynda qarym-qatynas sońǵy kezderi qarqyndy damýda. Kókshetaýda biz quny 20 mıllıon AQSh dollary jəne «Novopek» JShS-men 10 mıllıon AQSh dollary bolatyn eksport boıynsha ınvestıtsııalyq kelisim jasadyq. Syrdarııa men Aqmola oblystarynyń uqsastyǵy kóp. Sondyqtan ekonomıkanyń ózge de salalaryn birlesip damytamyz», - dedi Syrdarııa oblysynyń hokımi.
Taraptar ekonomıka, saýda, týrızm, densaýlyq, mədenıet jəne sport salasynda əriptestik ornatpaq.
Eske sala keteıik, Aqmola oblysy men Ózbekstan Respýblıkasy arasyndaǵy syrtqy saýda aınalymy 2017 jyly 72 mıllıon AQSh dollaryn qurady. Óńirlermen tikeleı saýda baılanysy turǵyndardyń əleýmettik mańyzy zor taýarlarǵa deldalsyz qol jetkizýine múmkindik beredi. Aqmola oblysynan kartop, kókónis, bıdaı, arpa, júgeri, un, kúnbaǵys tuqymy, jıdek shyryny, əktas, qaptar Ózbekstanǵa eksporttalady.
