Myrzalın Tselınograd jəne Qorǵaljyn aýdandarynda boldy
KÓKShETAÝ. QazAqparat - Aqmola oblysynyń əkimi Məlik Myrzalın jumys saparymen Astananyń irgesindegi Tselınograd jəne Qorǵaljyn aýdandarynda boldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Aımaq basshysy aldymen Tselınograd aýdanynyń Qabanbaı batyr aýylyndaǵy «Agro-Park» JShS jańadan salynyp, negizgi jumystardyń aýqymdy bóligi aıaqtalǵan bordaqylaý keshenin aralap kórdi. Alańnyń aýmaǵy 58 gektardy quraıdy. Munda 3000 bas iri qara
kútimge alynyp, jylyna 1200 tonna et óndirý kózdelýde. Seriktestik dırektory Beıbithan Qabdyrahmanovtyń aıtýynsha, jobanyń quny 900 mıllıon teńge. Keshende ərqaısysyna jas ereksheligine qaraı 25 ashyq baspana jabdyqtalǵan. Sondaı-aq, malshylar úıi, sanıtarlyq ótkizgish, mal azyǵyn óńdeý tsehy men angar túrindegi qoıma, tehnıkalyq baza qazirdiń ózinde jumys isteýde. Búgingi kúni jergilikti turǵyndardan satyp alynǵan 500 buzaýdy ústemelep qorektendirýdiń ozyq tehnologııasy qoldanylýda.
Al, Rahymjan Qoshqarbaev atyndaǵy aýyldyń egistik alqabynda «En-Dala» JShS mehanızatorlary astyq bastyrýda aldyńǵy shepten kórinýde. Tımýr Pishenov basqaratyn seriktestik bıyl gektarynan 30 tsentnerden astyq jınaýdy kózdep otyr. Buǵan qosa olar mal sharýashylyǵymen de aınalysady.
Mənshúk aýylynda memlekettik- jekemenshik əriptestiktiń jarqyn úlgisin kórýge bolady. Munda «VІ Group» kompanııasy 50 mıllıon teńge qarjyǵa pəterli jataqhana salyp berdi. Onda bıýdjettik uıym qyzmetkerleri ornalasatyn bolady. Jaqynda Astanadan kelgen ınformatıka jəne aǵylshyn tiliniń muǵalimderi osynda qonys toıyn toılamaq. Osyndaı ıgi iske qolushyn sozǵan osy aýyldyń týmasy, qazirgi kezde Astanada turatyn «VІ Group» kompanııasynyń basshysy Baýyrjan Isabaev.
Qorǵaljyn aýdanynda aımaq basshysy Keńbıdaıyq aýylynda «saqaldy» qurylys sý qubyryn taratý jelisin kórdi. 2011 jyldary qurylysy bastalǵan nysan tek bıyl ǵana jóndelip, iske qosyldy. Qurylys jumystary kezinde 8,5 shaqyrym sý qubyry, sý sorý stansasy, sý munarasy, 13 kolonka salyndy.
Sapar barysynda aımaq basshysy qos aýdannyń aktıvterimen kezdesip, óńirlerdiń əleýmettik-ekonomıkalyq damýy týraly əkimder men sala mamandarynyń atqarylǵan jumystary jəne aldaǵy josparlary týraly esepterin tyńdady.
