Myrzalın «Arqa ajary» gazetiniń ujymyna sý jańa kóliktiń kiltin tapsyrdy
KÓKShETAÝ. QazAqparat - Kókshetaýda halqymyzdyń uly aqyny ári kórnekti qoǵam jáne memleket qaıratkeri Səken Seıfýllın negizin qalaǵan Aqmola oblystyq «Arqa ajary» gazetiniń 100 jyldyǵyna oraı «Tirshiliktiń úzilmeıtin ǵumyry «Arqa ajary»-100» atty saltanatty shara ótkizildi, dep habarlaıdy QazAqparat tilshisi.
«Kókshetaý» mədenıet saraıynda uıymdastyrylǵan sharaǵa Aqmola oblysynyń əkimi Məlik Myrzalın, respýblıkanyń ár óńirinen kelgen zııaly qaýym ókilderi, tanymal qalamgerler men jýrnalıster jáne gazet oqyrmandary qatysty.
Quttyqtaý sóz sóılegen aımaq basshysy aldymen gazet ujymyna mereıtoılyq tilegin joldaǵan QR Memlekettik hatshysy Gúlshara Ábdihalyqovanyń quttyqtaý hatyn oqyp berdi.
Sonymen qatar, aımaq basshysy óz sózinde gazettiń ǵasyrlyq tarıhy bar, Səken Seıfýllın negizin qalaǵan respýblıkadaǵy baıyrǵy basylymdardyń biri ekenin eske saldy. Gazet ujymy óńirdegi qalyptasyp otyrǵan turaqtylyq pen kelisimdi nyǵaıtýǵa úles qosa otyryp, oblystyń áleýmettik-ekonomıkalyq damýynyń barysyn keńinen nasıhattaýda.
«...Bir ǵasyrlyq tarıhy bar bul gazet Qazaqstandaǵy baıyrǵy basylymdardyń biri bolyp sanalady. Óz bastaý tarıhyn halqymyzdyń uly aqyny ári kórnekti qoǵam jáne memleket qaıratkeri Sáken Seıfýllınniń negizin qalaýymen 1917 jyly Aqmolada shyǵaryla bastaǵan «Tirshilik» atty gazetten alatyn búgingi «Arqa ajary» úlken de abyroıly joldan ótti.
...Búgingi kúni Elbasy Nursultan Nazarbaevtyń «Bolashaqqa baǵdar: rýhanı jańǵyrý» eńbeginde aıtylǵan ulttyq sana, básekelik qabilettilik, pragmatızm, ulttyq biregeılikti saqtaý, bilimniń saltanat qurýy men sananyń ashyqtyǵy sııaqty ózge de ózekti máselelerdi mańyzdylyǵyn ashyp jazyp, túsindirýde jáne úsh tildi, álemdik ozyq tehnologııany jetik meńgergen jańa turpattaǵy urpaq tárbıeleýde baspasóz salasynyń qyzmetkerlerine asa jaýapty mindetter júktelip otyr...», deı kele oblysy ákimi Málik Myrzalın redaktsııa ujymyna jańa kóliktiń kiltin tapsyrdy.
Sondaı-aq, sharada «Egemen Qazaqstan» respýblıkalyq gazeti» AQ basqarma tóraǵasynyń orynbasary Erbolat Qamenov, Sáken Seıfýllın mýzeıiniń dırektory, aqyn, QR Memlekettik syılyǵynyń jáne «Alash» syılyǵynyń laýreaty Nesipbek Aıtuly, QR Parlamenti Májilisiniń besinshi shaqyrylymnyń depýtaty, jýrnalıst, QR Memlekettik syılyǵynyń laýreaty Aldan Smaıyl, Memleket tarıhy ınstıtýty dırektorynyń orynbasary, professor Amangeldi Smaıylov, «Jetisý» gazetiniń bas redaktory Ámire Aryndar basylymdy quttyqtady.
Mereıtoı aıasynda arnaıy merekelik gazet pen «Tirshiliktiń ǵasyry» kitaby shyǵaryldy. Sondaı-aq, gazettiń mýzeıi ashylyp, burynǵy redaktorlarynyń portretteri jasalyndy.
Jabal Erǵalıev basshylyq etetin gazet osy kúni 8 myń taralymmen aptasyna úsh ret shyǵyp keledi. 
Eske sala keteıik, osy kúni «Arqa ajary» gazeti redaktsııasy ǵımaratynyń syrtyna osy gazettiń negizin qalaǵan qazaqtyń ataqty aqyny, memlekettik qaıratkeri Səken Seıfýllınniń qurmetine memorıaldyq taqta ashylǵan bolatyn.
