Myrzakentte 180 úıdiń qurylysy bastaldy
TÚRKІSTAN OBLYSY. QazAqparat – Túrkistan oblysynda sý basqan eldi mekenderden is-júzinde sý ketkeni anyqtaldy. Bul týraly QazAqparat TJK silteme jasap habarlaıdy.
Ótken táýlik ishinde sý basqan aýmaqtardyń aýdany
Jalpy jaǵdaıǵa monıtorıng jasaý maqsatynda áýeden baqylaý júrgizildi, nátıjesinde sý basqan eldi mekenderden is-júzinde sý ketkeni anyqtaldy.
Sonymen qatar, Nurlyjol, Fırdoýsı, Órgebas, Dostyq jáne Jeńis eldi mekenderinde sý basqan 1 030 úıden sý tolyqtaı soryp shyǵaryldy. 46 aýla jáne baý-baqsha ýchaskesinde sý sorý jumystary júrgizilýde.
TJ-nyń saldarynan zardap shekken halyq úshin Myrzakent kentinde 426 turǵyn úı salý josparlanýda. Qazirgi ýaqytta 180 úıdiń qurylysy bastaldy. Qurylys jumystaryna 24 merdiger uıym, jalpy sany 900 adam jáne 90 birlik tehnıka jumyldyryldy.
Búgingi kúni 6,2 mln astam m3 sý soryldy. Jalpy uzyndyǵy 23 shaqyrym ýaqytsha bógetter salyndy, 88 000-nan astam qap tóseldi jáne sý burý úshin 3 kollektor ornatyldy.
Sý basqan eldi mekenderde quqyqtyq tártip kúzetin qamtamasyz etý úshin 4 blokpost qoıyldy. Polıtsııa azamattardyń múlkiniń saqtalýyn qamtamasyz etýde.
TJ-nyń saldaryn joıý boıynsha jumystar táýlik boıy rejımde jalǵasýda. Oǵan ІІM, QM, JAO jáne Ózbekstan TJM kúshteri men quraldary 1475 adam, 219 birlik tehnıka, 13 júzý quraly, 207 motopompa jumyldyryldy.
