Myrzahmetov jańa baǵdarlamany ákimderge ózi túsindiredi
«Aýyl sharýashylyǵyn damytýǵa arnalǵan jańa baǵdarlamanyn qabyldanǵanyn bári biledi. Endi, vıtse-premer - Aýyl sharýashylyǵy mınıstri Asqar Isabekuly arnaıy jumys tobyn ózi bastap, barlyq oblystardy aralap shyqpaqshy. Sol jerde ákimderdi jınap, jańa baǵdarlamanyń negizgi baǵyttaryn túsindiredi. Sebebi mıınstrlik myna jaqtan qansha aıtqanmen sonyń barlyǵyn jergilikti bılik iske asyrady. Ákimder kooperatsııany jáne taǵy basqa naqty mehanızmderdi túsinip almaı, ol jumys ary qaraı júrmeıdi. Naýryzdyń 1-i -sársenbi kúni Asqar Isabekuly aldymen Qaraǵandy oblysyna barady. Sonda barlyq aýdan men aýyl ákimderin jınap, túsindirý jumystaryn ótkizedi. Sóıtip, barlyq aımaqtardy aralap shyǵýdy josparlap otyrmyz», - dedi Jasulan Ábdimanap QazAqparat tilshisine bergen suhbatynda.
Aıta keteıik, búgin Ortalyq kommýnıkatsııalar qyzmetiniń resmı ókili Murat Jumanbaı 1-2 naýryz kúnderi Premer-Mınıstrdiń orynbasary -Aýyl sharýashylyǵy mınıstri Asqar Myrzaxmetovtyń Aqtóbe jáne Pavlodar oblystaryna jumys saparymen baratyny jaıynda málimdedi.
Jasulan Ábdimanaptyń aıtýynsha, Asqar Isabekulynyń jumys kestesine ózgeriste r engizildi. Osyǵan baılanysty mınıstr aldymenQaraǵandy oblysyna baratyn bolyp jatyr.